ਹਰਿਆਵਲ ਪੰਜਾਬ ਲਹਿਰ ਵਲੋ ਅਸ਼ੋਕ ਵਾਟਿਕਾ ਸਕੂਲ 'ਚ ਲਗਾਏ ਪੌਦੇ - ਇੰਜੀ ਕੋਹਲੀ
ਹਰਿਆਵਲ ਪੰਜਾਬ ਲਹਿਰ ਵਲੋ ਅਸ਼ੋਕ ਵਾਟਿਕਾ ਸਕੂਲ 'ਚ ਲਗਾਏ ਪੌਦੇ - ਇੰਜੀ ਕੋਹਲੀ
ਅੰਮ੍ਰਿਤਸਰ, 4 ਅਗਸਤ ( ਸੁਖਬੀਰ ਸਿੰਘ ) - ਮੌਜੂਦਾ ਹਾਲਾਤਾਂ ਦੇ ਮੱਦੇਨਜ਼ਰ , ਸ਼ਹੀਦ-ਏ-ਆਜ਼ਮ ਸਰਦਾਰ ਭਗਤ ਸਿੰਘ ਲਹਿਰ ਪ੍ਰੋਜੈਕਟ ਤਹਿਤ ਧਰਤੀ ਮਾਂ ਨੂੰ ਹਰਿਆਵਲ ਨਾਲ ਢੱਕਣ ਦੀ ਲੋੜ ਹੈ , ਹਰਿਆਵਲ ਪੰਜਾਬ ਲਹਿਰ ਟੀਮ ਦੀ ਅਗਵਾਈ ਇੰਜ: ਦਲਜੀਤ ਸਿੰਘ ਕੋਹਲੀ, ਸ਼੍ਰੀ ਜੇ.ਪੀ. ਸਿੰਘ , ਸ੍ਰੀ ਮੁਕੇਸ ਅਗਰਵਾਲ ਅਤੇ ਮੀਡੀਆ ਸਲਾਹਕਾਰ ਸ਼੍ਰੀ ਪੀ ਐਨ ਸ਼ਰਮਾ ਜੋ ਉੱਘੇ ਸਮਾਜ ਸੇਵੀ ਵੀ ਹਨ ਵੱਲੋਂ ਨਿਊ ਅੰਮ੍ਰਿਤਸਰ ਦੇ ਕਲੋਨੀ ਗੇਟ ਨੇੜੇ , ਅਸ਼ੋਕ ਵਾਟਿਕਾ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਇਕ ਸੈਮੀਨਾਰ ਕਰਵਾਇਆ ਗਿਆ।
ਪਿ੍ੰਸੀਪਲ ਸ੍ਰੀਮਤੀ ਆਂਚਲ ਮਹਾਜਨ, ਡਾਇਰੈਕਟਰ ਅਸ਼ੀਸ਼ ਮਹਾਜਨ, ਸਮੂਹ ਸਕੂਲ ਸਟਾਫ਼ ਸਮੇਤ ਵਿਦਿਆਰਥੀ ਅਤੇ ਸਮੀਰ ਆਦਿ ਨੇ ਸ਼ਮੂਲੀਅਤ ਕੀਤੀ ।
ਮੁੱਖ ਬੁਲਾਰੇ ਵਜੋਂ ਇੰਜ: ਦਲਜੀਤ ਸਿੰਘ ਕੋਹਲੀ ਨੇ ਵਾਤਾਵਰਨ, ਜਲ ਸਰੋਤਾਂ ਦੇ ਪ੍ਰਬੰਧਨ ਬਾਰੇ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕੀਤੀ ਅਤੇ ਧਰਤੀ ਹੇਠਲੇ ਪਾਣੀ ਦੇ ਪੱਧਰ ਲਗਾਤਾਰ ਡਿੱਗਣ ਕਾਰਨ ਹੋਣ ਵਾਲੇ ਖਤਰੇ ਪ੍ਰਤੀ ਸੁਚੇਤ ਕੀਤਾ। ਧਰਤੀ ਹੇਠਲੇ ਪਾਣੀ ਨੂੰ ਰੀਚਾਰਜ ਕਰਨ ਦੇ ਰਾਹ ਅਤੇ ਸਾਧਨ ਵੀ ਸਾਂਝੇ ਕੀਤੇ । ਇੰਜ: ਕੋਹਲੀ ਜੀ ਨੇ ਇਸ ਕਾਰਜ ਵਿੱਚ ਪੂਰਾ ਯੋਗਦਾਨ ਪਾਉਣ ਲਈ ਮੌਜੂਦ ਸਾਰਿਆਂ ਤੋਂ ਦ੍ਰਿੜ ਵਚਨਬੱਧਤਾ ਲਿਆ ਇਸ ਮੌਕੇ ਇੱਕ ਛੋਟਾ ਕੁਇਜ਼ ਸੈਸ਼ਨ ਵੀ ਹੋਇਆ ਜਿਸ ਵਿੱਚ ਵਿਦਿਆਰਥੀਆਂ ਨੇ ਸਰਗਰਮੀ ਨਾਲ ਭਾਗ ਲਿਆ ਵਿਦਿਆਰਥੀਆਂ ਦੇ ਮਜ਼ਬੂਤ ਅਤੇ ਚੰਗੇ ਗਿਆਨ ਹੋਣ ਪਤਾ ਚਲਿਆ ਸੰਖੇਪ ਵਿੱਚ, ਇੰਜ: ਕੋਹਲੀ ਜੀ ਨੇ ਸੈਮੀਨਾਰ ਨੂੰ ਸਫਲ ਬਣਾਉਣ ਲਈ ਸਕੂਲ ਮੈਨੇਜਮੈਂਟ, ਵਿਦਿਆਰਥੀਆਂ ਅਤੇ ਸਮੂਹ ਸਟਾਫ਼ ਦਾ ਧੰਨਵਾਦ ਕੀਤਾ ਪ੍ਰੋ: ਮੁਕੇਸ਼ ਅਗਰਵਾਲ ਨੇ ਰੁੱਖ ਲਗਾਉਣ ਦੀ ਉਪਯੋਗਤਾਵਾਂ ਦੱਸਦੇ ਹੋਏ , ਵੱਧ ਤੋਂ ਵੱਧ ਬੂਟੇ ਲਗਾਉਣ ਦੀ ਲੋੜ 'ਤੇ ਜ਼ੋਰ ਦਿੱਤਾ । ਇਸ ਸਮਾਗਮ ਉਪਰੰਤ , ਜੰਗਲਾਤ ਵਿਭਾਗ, ਆਸਰਾ ਪੰਜਾਬ ਦੀ ਮਦਦ ਨਾਲ ਹਰਿਆਵਲ ਪੰਜਾਬ ਅੰਮ੍ਰਿਤਸਰ , ਸਕੂਲ ਸਟਾਫ਼ ਅਤੇ ਵਿਦਿਆਰਥੀਆਂ ਨੇ ਸਕੂਲ ਦੇ ਵਿਹੜੇ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਫਲ ਅਤੇ ਬੂਟੇ ਲਗਾਏ ਗਏ ਅਸੀਂ ਹਰਿਆਲੀ ਲਹਿਰ ਲਿਆਉਣ ਦੀ ਅਪੀਲ ਕਰਦੇ ਹਾਂ ਅਤੇ ਸਾਰੇ ਵਾਤਾਵਰਣ ਪ੍ਰੇਮੀਆਂ ਨੂੰ ਇਸ ਨੇਕ ਕਾਰਜ ਵਿੱਚ ਸ਼ਾਮਲ ਹੋਣ ਦਾ ਸੱਦਾ ਦਿੰਦੇ ਹਾਂ।।