ਗੁਰੂ ਤੋਂ ਬਿਨਾਂ ਮਨੁੱਖ ਦਾ ਜੀਵਨ ਅਧੂਰਾ : ਸਾਗਰ ਮੁਨੀ ਸ਼ਾਸਤਰੀ

ਗੁਰੂ ਤੋਂ ਬਿਨਾਂ ਮਨੁੱਖ ਦਾ ਜੀਵਨ ਅਧੂਰਾ : ਸਾਗਰ ਮੁਨੀ

ਸ਼ਾਸਤਰੀ

ਅੰਮ੍ਰਿਤਸਰ 23 ਜੁਲਾਈ (ਮਨਪ੍ਰੀਤ ਸਿੰਘ ਮੱਲ੍ਹੀ) - ਜੋ ਮਨੁੱਖ ਨੂੰ ਅਗਿਆਨਤਾ ਦੇ ਹਨੇਰੇ ਵਿਚੋਂ ਕੱਢ ਕੇ ਗਿਆਨ ਦੇ ਪ੍ਰਕਾਸ਼ ਵੱਲ ਲੈ ਜਾਂਦਾ ਹੈ, ਉਸ ਨੂੰ ਗੁਰੂ ਕਿਹਾ ਜਾਂਦਾ ਹੈ। ਭਾਰਤ ਨੂੰ ਅਧਿਆਤਮਿਕਤਾ ਦਾ ਪ੍ਰਚਾਰ ਅਤੇ ਪ੍ਰਸਾਰ ਕਰਨ ਵਾਲੀ ਧਰਤੀ ਕਿਹਾ ਜਾਂਦਾ ਹੈ। ਚੌਕ ਪਾਸੀਆਂ ਵਿਖੇ ਸਥਿਤ ਪ੍ਰਾਚੀਨ ਮੰਦਰ ਸ਼੍ਰੀ ਜੈ ਕ੍ਰਿਸ਼ਣਯਨ ਵਿਖੇ ਗੁਰੂ ਪੂਰਨਿਮਾ ਮਹੋਤਸਵ ਮਨਾਇਆ ਗਿਆ, ਜਿਸ ਵਿਚ ਸਮੂਹ ਚੇਲਾ ਪਰਿਵਾਰ ਨੇ ਮੰਦਰ ਦੇ ਸੰਚਾਲਕ ਦਰਸ਼ਨਾਚਾਰੀਆ ਸਾਗਰ ਮੁਨੀ ਸ਼ਾਸਤਰੀ ਜੀ ਦੀ ਅਸ਼ਟਾਂਗ ਪੂਜਾ ਕੀਤੀ। ਸੰਗਤ ਨੇ ਗੁਰੂ ਪਾਦੁਕਾ ਸਤੋਤਰ ਦਾ ਗਾਇਨ ਕਰਕੇ ਗੁਰੂ ਪੂਜਾ ਦੀ ਸੰਪੂਰਨਤਾ ਕੀਤੀ। ਸ਼ਾਸਤਰੀ ਜੀ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਗੁਰੂ ਦੀ ਹੋਂਦ ਚੇਲੇ ਰਾਹੀਂ ਹੁੰਦੀ ਹੈ ਅਤੇ ਚੇਲੇ ਦੀ ਹੋਂਦ ਗੁਰੂ ਰਾਹੀਂ ਹੁੰਦੀ ਹੈ। ਮਨੁੱਖ ਨੂੰ ਆਪਣੇ ਗੁਰੂਆਂ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। ‘ਮੇਰੇ ਗੁਰੂ ਨੇ ਜਹਾਜ ਬਣਾਇਆ, ਅੱਸੀ ਪਾਰ ਆ ਕੇ ਰਵਾਨਾ ਹੋ ਗਿਆ’, ਕਵਿਤਾ ਨੇ ਸਾਰੇ ਇਕੱਠ ਨੂੰ ਮੰਤਰਮੁਗਧ ਕਰ ਦਿੱਤਾ। ਗੁਰੂ ਪੂਰਨਿਮਾ ਮਹੋਤਸਵ ਵਿੱਚ ਵੱਡੀ ਗਿਣਤੀ ਵਿੱਚ ਸੰਗਤਾਂ ਨੇ ਸ਼ਿਰਕਤ ਕੀਤੀ ਅਤੇ ਅਸ਼ੀਰਵਾਦ ਪ੍ਰਾਪਤ ਕੀਤਾ। ਠਾਕੁਰ ਜੀ ਦੇ ਦਰਵਾਜ਼ੇ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ। ਇਸ ਮੌਕੇ ਕਈ ਸ਼ਰਧਾਲੂਆਂ ਨੇ ਨਾਮ ਦੀਕਸ਼ਾ ਲਈ। ਇਸ ਪ੍ਰੋਗਰਾਮ ਵਿੱਚ ਮੰਦਰ ਦੇ ਮੁੱਖ ਸੇਵਾਦਾਰ ਅੰਜਨਾ ਲੂਥਰਾ, ਦੇਵਦਾਸ ਬਾਵਾ, ਕੀਮਤੀ ਲਾਲ ਗੁਲਾਟੀ, ਰਜਤ ਮਹਾਜਨ, ਗੌਤਮ ਸਰੀਨ, ਰਾਕੇਸ਼ ਮਹਾਜਨ ਆਦਿ ਸ਼ਰਧਾਲੂ ਹਾਜ਼ਰ ਸਨ।